Transcription
1
Monseigneur, je ne scay si vous avés esté adverty
2
comme les rebeles à sa magesté furent hier vingtième de
3
ce mois au Pont de Royans ; et scachant là leur arivée
4
incontinant je despechis homme asseuré pour y aller et men
5
rapporter la verité ; et craignant que lesditz rebeles ne
6
se voucissent saysir de nous portz scirconvoysins, je macheminey
7
incontinant vers lesdictz portz pour les retirer desca ; et
8
estant arrivé au port de Beauvoyr, je treuvis le cappitaine
9
La Tour, lequel me fist refus me deslivrer ledit port
10
dudit Beauvoyr, disant quil avoyt charge et commission
11
de vostre seigneurie de le garder. Ouyant telz propoz,
12
je ne lozis retenir desca causant le commandement et
13
commission quil dict avoyr de vous pource faict. Parce,
14
monseigneur, il vous plairra me faire entendre votre
15
volanté et commandemant en cest affaire et aux aultres.
16
Je ne scay si vous avés esté adverty comme le sieur de La
17
Robiniere a esté en sca maison où il na demeuré qung
18
soir. Je mectois mis en debvoir laler voir aveque
19
troupe, estant asseuré de son arrivée en sa maison par
20ladvertissement de Madame la contesse d e Viriville [barré : laquelle ] .
21
Nous sommes en ceste ville apprès à faire la melheur garde
22
quil nous est possible, en attendant votre commandemant.
23
Au demeurant, monseigneur, je vous supplie très humblement
24
quil vous playse me faire aussi entendre si desirés que
25
je continue de commander en ceste ville. Car si votre volanté
26
estoit telle que jy demeurasse de la façon que jy suis,
27
je serois desliberé me randre près de votre personne pour
28
vous faire très humble service, que destre icy à lestat
29
que je suis. Et pour ne vous annuer [=ennuyer] devantaige, je
30
vous presenterey mes très humbles recommandations à vostre
31
bonne grace, et priey Dieu,
32
monseigneur, qui vous veulhe tenir en sa grace et moy
33
en la votre. De St Marcellin, ce XXIIIe mars 1574
34
Votre très humble et très
35
obeissant serviteur
36
De Gilbert
37
je ne scey si monsieur de
38
Gessant vous aurat point
39
adverti du fet dequoy je
40luy supplies de [barré : par ] vous parler pour avoyr comyssion de votre segneurye
41
[car] aultrement je ne puis en estre obey.